Inhlanganiso yeZimbabwe Electoral Commission ithi amalunga ebandla leZANU PF amahlanu ancintisa kukhetho lokudinga amakhansila eChiredzi, Harare, leManyame asenqobile ngoba kakho omunye obhalisele ukuncintisana labo kulezi izigaba ku nomination court.
Embikweni owethulwe ngoLwesibili, i-ZEC ithi abahlanu laba ngoMnumzana Costen Mombe lo Nyashadzashe Brighton Mahiya abaka ward 6 lo ward 7 eChiredzi, Abdurrahman Sapa lo Brian Rufaro Matsika ward 5 lo 18 eMutare, loSimbarashe Ngarande ka ward 7 eManyame Rural District Council.
Ibandla leCCC lithi liyakusola lokhu ngoba lilokhe lisaphikisa isinqumo somthethwandaba esokuvinjwa kwamalunga alo ukuthi ancintise kulolukhetho nguMnu. Sengezo Tshabangu ozithi ngunobhala jikelele walelibandla kodwa laye ongabhalisanga abazancintisa kulezi indawo.
Ukuhlaziya loludaba, sixoxe loMnu. Benard Bhekilizwe Ndlovu, ingcwethi ecubungula ezombusazwe.
Your browser doesn’t support HTML5
Ingxoxo loMnu. Benard Bhekilizwe Ndlovu