Abaqoqi bomcimbi osungulwe ngomnyaka odluleyo okhangelele ukuqhutshwa minyaka-yonke yinduna uChief Dakamela lapho okunikezwa abasebenzele intuthuko yeMatabeleland izicoco bathi ukhangelelwe ukuqhutshwa mhlaka six ngenyanga ka Mabasa eholu yakoDakamela eNkayi lonyaka, njalo okwamanje kwabelwana amaphetshana okumema abantu ukuthi beze ngobunengi babo.
Abaculi, imbongi, labanye abalingiswa bakhangelelwe ukuthokozisa abantu ngoLwesihlanu koDakamela mhla ziku five kuMabasa phambilini kwalumcimbi ngoMgqibelo.
Ngomnyaka odluleyo, kwakuthe gwaqa kulumcimbi “inkosi yamaNdebele” uBulelani kaLobhengula Khumalo, induna zeMatabeleland leMidlands, iziphathamandla zikahulumende, abalwela ilungelo loluntu, abalingisi, labantu makhaza.
Ibizo likaChief Dakamela nguMnu. Mbuso Bekithemba Dakamela, njalo wathatha intambo zobuduna eleminyaka engamatshumi amabili lane 24, ngomnyaka ka 2019. Yisizalwane sowayeyinduna kaMzilikazi uChief Dakamela Ncube owayehola ibutho leBabambeni.
Kusenjalo, umculi owazakala ngokuthi iNyon’emnyama Umlandi Wetshitshi, ongomunye wabakhangelelwe ukuphatheka kulumkhosi wethule umculo oncoma imisebenzi yenduna uDakamela.
Your browser doesn’t support HTML5
Ingxoxo loNyon'emnyama Umlandi Wetshitshi