Kodwa lanxa ixolisile linkampani inengi lesiNdebele lokhe lizondile.
Washington D.C —
Inkampani yako Bulawayo ethiwa Plawn Motors ebifake umlayezo wokuthi ifuna ukuqatsha umuntu owazi ukukhuluma isiShona lesiKhiwa kuphela isixolisile ngalumlayezo kodwa abesindebele bazonde baganunwabu.
Linkampani ibifake lumlayezo enkundleni zokuxhumana isithi ifuna umtshayeli owazi indimi ezimbili, iSilungu lesiShona njalo kumele abe ngowako Bulawayo.
Kodwa izolo linkampani yethule umbiko ixolisa isithi ibingenzanga ngabomu njalo ibingajonganga ukweyisa abantu besiNdebeleni.
Kodwa lanxa ixolisile linkampani inengi lesiNdebele lokhe lizondile.
Sixoxe locubungla ezamasiko, uMnu. Greater Vodloza Sibanda ukuze sizwe imbono yakhe ngaloludaba.
Your browser doesn’t support HTML5
Ingxoxo loMnu. Greater Vodloza Sibanda.