Imbadalo yezimota entubeni zama Toll Gates, ikhuphukile ngoLwesihlanu ngemva kwesaziso sikahulumende esethulwe lugatsha lwezemali.
Imbadalo yamaToll Gates emigwaqweni osuka eHarare usiya eBeitbridge losuka ePlumtree usiya eMutare seziphindwe kabili kukanti ezibhadalwa kweminye imigwaqo zengezwe ngesilinganiso sokungamatshumi amahlanu ekhulwini i50%.
Izihambi ezinengi ziyakhonona zisithi inhlawulo lezi zinengi kakhulu njalo sezizakwenza ukuthi imali ezibhadaliswa ngamabhasi lazo zikhuphuke.
Ekhuluma leStudio7 isikhulumeli sebandla eliphikisayo eleCCC uMnu Promise Mkwananzi wethese ibandla elibusayo eleZanu-PF umlandu wokuzinothisa ngalezimali engalungisi imigwaqo.
Your browser doesn’t support HTML5
Ingxoxo LoMnu Promise Mkhwananzi Ngokukhuphuka Kwemali ZamaTollgate.
Umnu Joseph Tshuma olilunga leCentral Committee yebandla leZanu-PF yena uthi ibandla lakhe alithathi imali kuhulumende, echaza njalo ukuba ezinye imali ziya kunkampani eyalungisa umgwaqo osuka ePlumtree usiya eMutare phansi kwesivumelwano esabhalelwana phansi lohulumende.
Your browser doesn’t support HTML5
Ingxoxo loMnu Joseph Tshuma Ngokukhuphuka Kwenhlawulo ZamaTollgates.