Abemba igolide abedlula itshumi balokhu bephansi komgodi we-Redwing Mine ePenhalonga, eManicaland njalo imizamo yokubahlenga iqhubekela phambili.
Izolo abahlengi behluleke ukungena kulumgodi njengoba ubuqhubekela phambili udilika.
Umphathintambo wezokwemba uMnu Zhemu Soda utshele intathelizindaba ngoLwesine ukuthi umsebenzi wokuhlenga abakulumgodi uphuziswa yikuqhubekela phambili komgodi udilika.
Umgodi lo ubikwa ungowelunga leZanu-PF elimela iMabvuku-Tafara epalamende uMnu Scott Sakupwanya kanye lenkampani yeMetallon Gold Zimbabwe.
Asenelisanga ukuxhumana labenkampani yeMetallon Gold njengoba ucingo lwabo belungasatshelwa. UMnu Sakupwanya laye ubengakaphenduli imibuzo ayithunyelweyo.
IStudio7 ixoxe lonobhala jikelele wenhlanganiso emela izisebenzi zemigodini eye-Solidarity Mine Workers Union of Zimbabwe uMnu Prince Mpala yena okhuthaze abaqhatshi ukuthi bavikele impilo yezisebenzi ezingena emigodini.
Your browser doesn’t support HTML5
Ingxoxo loMnu Prince Mpala Ngokuhlengwa Kwabadilikelwe Ngumgodi eRedwing.