Inhlanganiso ebona ngokulondolozwa kwemvelo eye-Centre for Natural Resource Governance ithi kulabotsheketsha abalitshumi labahlanu (15) abadilikelwe ngumgodi eRedwing Mine ePenhalonga, ngoLwesine ekuseni.
Amapholisa wona athi asacwayisisa loludaba kodwa ebike enkundleni yokuxhumana eyeX ukuthi kulabantu abalitshumi loyedwa abadilikelwe yilumgodi.
Umgodi lo wavalwa yinhlanganiso ye-Environmental Management Agency (EMA) ngomnyaka owedluleyo laloba otsheketsha beqhubekela phambili besemba okungekho emthethweni.
Umphathintambo wogatsha lwezokwemba uMnu Soda Zhemu ukhuphe umbiko esithi abenkampani yeMetallon Gold bangene kulumgodi befuna ukuphathisa kodwa basebephindela emuva ngoba uqhubekela phambili uwela.
Uthe bazaqhubekela phambili ngemizamo yokukhupha abavalelwe kulumgodi ngoLwesihlanu ekuseni.
Umqondisi wenhlanganiso yeCentre for Natural Resource Governance, uMnu Farai Maguwu uthe udubo olukhona ngolokuthi abantu abasebenzela ndawonye lebandla elibusayo eleZanu-PF baphiwa amandla okwemba igolide kulumgodi laloba uvaliwe.
Your browser doesn’t support HTML5
Ingxoxo loMnu Farai Maguwu
Ekhuluma leStudio7 uMnu Effie Dlela Ncube ingcwethi yezombusazwe njalo esebenza lenhlanganiso emela amalungelo abathengi eyeNational Consumer Rights Association ukhuthaze uhulumende ukuthi amise ukwenjiwa kwamatshe aligugu endaweni ezingavikelekanga njalo aqede udubo elizweni ukuze abantu bengazifaki engozini bedinga imali.
Your browser doesn’t support HTML5
Ingxoxo loMnu Effie Dlela Ncube