Uhlangothi lokwethekelelwa kwelizwe luthi abantu abanengi ababhalise ukuvakatshela indawo zokuzilibazisa elizweni ngekhefu lokuqala komnyaka omutsha ngabavela kwamanye amazwe.
Ngekhefu lekhisimusi izizalwane zeZimbabwe yizo ezivakatshele lezindawo ngobunengi njalo indawo ezinengi bezigcwele.
Abakuhlangothi lwezokwethekelelwa bathi ukwanda kwezethekeli ezivela endaweni ezitshiyeneyo zelizwe kubangelwa yikukhankasa abakwenzileyo lonyaka.
Ekhuluma leStudio7 umkhokheli wenhlanganiso yabaqhatshi abakuhlangothi lwezokwethekelelwa kwelizwe eye-Employers Association of Tourism and Safari Operators uMnu Clement Mukwasi uthe isikhathi somkhuhlane we-Covid-19 laso saphathisa abantu ukuthi bazi ukuthi kulendawo zokwethekelela ezinhle eZimbabwe njengoba babengela thuba lokuvakatshela amanye amazwe ngaleso sikhathi.
“Sibone umahluko omkhulu kakhulu nxa siqathanisa inani lezethekeli kungakaqhumuki umkhuhlane weCovid lakhathesi. Lumkhuhlane utshiye inengi lezizalwane zeZimbabwe selilolwazi lwendawo zokuvakatshela njengoba zihlale iminyaka yeCovid zingenelisi ukuya vakatsha kwamanye amazwe,” kutsho uMukwasi.
Indawo zokuvakatshela lezi zigoqela iVictoria Falls, Vumba, Nyanga, Matopos lezinye.
Your browser doesn’t support HTML5
Ingxoxo loMnu Paul Makiwa Ngengozi Zemigwaqweni.