Inhlanganiso ebona ngezempilakahle emhlabeni jikelele eyeWorld Health Organization ikhuthaze uzulu weZimbabwe ngoLwesithathu ukuthi ethathe amanyathelo okuzivikela kumkhuhlane we-cholera ngokutshiyana lemikhuba efana lokuxhawulana ezimfeni lakweminye imibuthano efanayo ngalesi sikhathi sekhefu.
Kumbiko ewethule enkundleni yokuxhumana eyeX, linhlanganiso ithe abantu kumele bageze izandla ngesepa ngaso sonke isikhathi njalo bengadli ukudla okungcolileyo ngoba lokhu kungabafaka engozini yomkhuhlane lo.
Uhulumende uthi selokhe umkhuhlane weCholera uqhamuke eZimbabwe kunyanya ezeduleyo usubulele abantu abangamakhulu amabili alamatshumi phose amabili, 217, njalo wahlasela abedlula inkulungwane ezilitshumi lambili, 12,533.
Ukhansila kaWard 9 koBulawayo uMnu Donaldson Mabutho utshele iStudio 7 ukuthi inkuthazo yeWHO iqakathekile; ngakho abantu kumele bayilandele ukuze bazivikele.
Your browser doesn’t support HTML5
Ingxoxo loMnu Donaldson Mabutho