Kulabantu abahlanu ababhubhele engozini yomgwaqo osuka eMutare usiya eHarare ngoLwesithathu ekuseni ngemva kokungqikilana kwebhasi, imota yohlobo lweMercedes Benz kanye le-roli.
Isikhulumeli samapholisa uMnu Paul Nyathi wazise ukuthi lingozi yenzakalele duzane lesikolo seDiggleford Primary, eMarondera, sokusiyatshaya ihola letshumi, 09:40.
Uthi abalimeleyo bangamatshumi amane, 40, njalo abalitshumi lanhlanu babo, 15, basesimeni esibi esibhedlela lapho abalaliswe khona.
UNyathi uthi inani labantu asebefele engozini zomgwaqo ngalelikhefu kusukela mhlaka 15 kulinyanga kusiyafika mhlaka 26 selifike kumatshumi phose ayisitshiyagalolunye, 87.
Ngasikhathi sinye nyakenye kwasokufe abantu abedlula ikhulu, 102. UNyathi ukhuthaze abatshayeli ukuthi bahambe ngonanzelelo ukuze kwenqatshelwe lezingozi.
Amazwi akhe asekelwe yisiphathamandla senhlanganiso yeBulawayo Progressive Residents Association uMnu Thembalani Dube kungxoxo ayenze leStudio 7.
Your browser doesn’t support HTML5
Ingxoxo loMnu Thembelani Dube