Idale lokwamukela amagama abazancintisa kukhetho lwama by elections, oluzaqutshwa ngonhlolanja ozayo, ele nomination court lizahlala namuhla.
Kulezigaba ezilitshumi lambili, 18, ezasala zilezixhenxe ngemva kokuxotshwa kwamalunga edale lephalamende nguMnnu. Sengezo Tshabangu, ozithi ngunobhala jikelele webandla le CCC.
Abaxotshwayo lapho okumele kube lokhetho, babalisa uMnu. Gift Ostallos Siziba, umsekeli wesikhulumeli salelibandla loMnu. Amos Chibanya kunye labanye.
Kodwa igqwetha lika Tshabangu, uMnu. Nqobani Sithole utshele iStudio Seven ukuthi bazavimba amalunga axotshwayo.
Sehlulekile ukukhuluma lamalunga la abalisa, uMnu. Siziba.
Kusenjalo, ibandla le CCC lehlulekile okuquba umhlangano walo obukhangelelwe ukwenzelwa eChitungwiza izolo lanxa bebethole imvumo yamapholisa.
Ugatsha lokwethulwa kwembiko kulelibandla alwethulanga imbangela yokungaqutshwa komhlangano lo.
Lokhu kwenzkala ngesikhathi kulokuxokozela ebandleni leli abanye besethesa umkhokheli webandla, uMnu. Nelson Chamisa icala lokufaka ecele inkokheli eyasungula lelibandla ebalisa oMnu. Welshman Ncube lo Tendai Biti.
Ukuhlaziya loludaba sixoxe locubungula ezombusazwe, uMnu. Effie Dlela Ncube.
Your browser doesn’t support HTML5
Ingxoxo loMnu. Effie Dlela Ncube.