Ikhansili yakoBulawayo ithi isizavalela uzulu walelidolobho amanzi okwensuku ezinhlanu ngeviki ngoba emadamu ayo esesitsha.
Lokhu kwaziswe nguMeya walelidolobho uMnu David Coltart ngoLwesine kulandela ukufingiswa kwamakhansila amatsha ayisitshiyangalombili anqobe kukhetho lwama-by-elections olusanda kwedlula.
Ukuqheliswa kwesikhathi sokuvalwa kwamanzi lokhu kuza ngesikhathi idolobho lakoBulawayo lezinye indawo ezitshiyeneyo zibhekane lomkhuhlane wesihudo esibangelwa ngamanzi angcolileyo, i-cholera.
Ukhansila kaWard 9 uMnu Donaldson Mabutho utshele iStudio 7 ukuthi umasipala uvumelane ukuthumela iqula ukuyakhulumisana lohulumende ukuze aphathise lelidolobho ukuqeda udubo lwamanzi.
Your browser doesn’t support HTML5
Ingxoxo loMnu Donaldson Mabutho