Kuqhamuke ingxabangxoza edale lePhalamende ngoLwesine ngemva kokuba amalunga eCCC ekhonone ngokufungiswa kwamalunga eZanu PF anqobe kukhetho lwama-by-elections olusanda kwedlula, okubangele ukuthi usomlomo abize amapholisa ukuthi adudule abeCCC laba kwalimala abanye.
AbeCCC bebehlabela besola abeZanu PF ngokunqoba kukhetho oluvinjwe abebandla eliphikisayo njalo behoza umeli weMabvuku Tafara uMnu Scott Sakupwanya besithi nguye obangele ukubulawa komunye wabo uMnu Tapfumaneyi Masaya phambilini kwama-by-elections.
Isiphathamandla seCCC eMelika uMnu Tim Muringai utshele iStudio 7 ukuthi ukududulwa kwamalunga ebandla lakhe ePhalamende kuveza sobala ukuthi uhulumende weZanu PF uzimisele ukuqhubeka ehlukuluza lelibandla.
Your browser doesn’t support HTML5
Ingxoxo loMnu Tim Muringai
Kodwa ilunga leZanu PF uMnu Believe Gaule uthe kulungile ukuthi amalunga eCCC axotshwe ePhalamende ngoba aziphathe ngendlela engalunganga.
Your browser doesn’t support HTML5
Ingxoxo loMnu Believe Gaule