Umhlabeleli olodumo uTichaona Terrence Green owaziwa ngelokuthi Terry Gee kasekho.
Iphephandaba le-Herald libika ukuba umaneja kaTerry Gee, u-Edison December nguye ogcizelele ukuthi ubhubhele esibhedlela se-Arundel, esiseHarare, Ngolwesine.
UTerry Gee obekhubazekile esebenzisa iwheel chair ngoba wavela wazalwa elesimo eseCerebral Palsy.
Wakhula engumuntu owayethanda ukuhlabela njalo ukukhubazeka kwakhe kanye lendubo ahlanganga lazo empilweni azenelisanga ukumisa uthando lwakhe lwezomculo.
Udume ngengoma azihlabela endawonye loChipo Muchegwa ezigoqela ethi Makafanana kanye lethi Ndezvemoyo.
IStudio7 ixoxe lolwela amalungelo abakhubazekileyo, laye ekhubazekile, uMnu Masimba Kuchera, yena othe ilizwe lilahlekelwe ngosakhulayo obekhuthaza ukuhlonitshwa kwabantu abakhubazekileyo.
Your browser doesn’t support HTML5
Ingxoxo loMnu Masimba Kuchera ngokufa kukaTerry Gee.