Imibiko ithi osanda kukhethwa ukuba abenguMayor weHarare, uKhansila Lovejoy Chitengu usexotshwe umsebenzi.
Incwadi yokuxotshwa kwakhe isigcwele ebulenjini lasenkundleni ye X eyayisaziwa ngokuthi yiTwitter.
UKhansila Chitengu ekhuluma leStudio7 uthe incwadi le kakayitholi ngakho uqhubekela phambili ngomsebenzi.
Umsekeli kaMnu Sengezo Tshabangu ozithi ungunobhala jikelele webandla leCCC, uMnu Albert Mhlanga uthi incwadi le ngeyeqiniso.
Your browser doesn’t support HTML5
Ingxoxo loMnu Albert Mhlanga ngokuxotshwa kukaMayor weHarare.
IStudio7 iphinde yaxoxa njalo lengcwethi kwezombusazwe njalo engunobhala jikelele webandla le Freedom Alliance uMnu Nhlanhla Moses Ncube ngodaba olufanayo yena othi ukuxotshwa kukaMeya kuphazamisa ukuqhutshwa komsebenzi wekhansili.
UNcube welekelele esithi amakhansila kwakungafanelanga ukuthi akhethe uKhansila Chitengu ukuthi abe nguMayor wona esazi ukuthi wayefuna ukuxotshwa wasila ngokuphazamiswa kwebizo lakhe, esithi kwakusobala ukuthi abamxotshisayo bazakuyalungisa ibizo.
Your browser doesn’t support HTML5
Ingxoxo loMnu Nhlanhla Moses Ncube ngodaba lokuxotshwa kukaMayor weHarare .
Ikhansili le ibikhokhelwa nguMnu Jacob Mafume kusukisela ngo 2020 kwaze kwafika uMpandula lonyaka kulandela ukhetho. Yasikhokhelwa nguMnu Ian Makone okwenyanga ezimbili, waxotshiswa ngozithi ungunobhala jikelele webandla leCCC Umnu Sengezo Tshabangu ngoLwezi.
Ngesikhathi kuxotshwa uMnu Makone, ibizo likaMnu Chitengu laphazanyiswa okwenza wangaxotshwa kodwa iqembu likaMnu Tshabangu laselisiya lungisisa lokhu, okuyikho osekwenze ukuba axotshwe.
Kulandela ukuxotshiswa kukaMnu Makone, amakhansila ayekhethe uMnu Chitengu ukuba abe nguMayor.
Lokhu sekusitsho ukuthi idolobho leHarare lizakuba lomunye uMayor kusikhatshana esilandelayo.