Owebandla leCCC ovinjwe ukuncintisa kukhetho lokudinga ummeli weMabvuku-Tafara edale lePhalamende uMnu Munyaradzi Kufahakutizwi ubotshiwe namuhla esetheswa icala lokutshaya umsekeli weZanu PF.
Usuke wakhululwa ngemva kokumiswa emthethwandaba.
Ukubotshwa kukaKufahakutizwi kuza ngesikhathi ibandla leCCC lisithi lisakhulumisana ngodaba lokuhlukuluzwa kwamaliunga alo lokuvinjwa kwawo ukuncintisa kukhetho lwama-by-elections olusanda kwedlula.
Ukhetho lolu lwenziwe kulandela ukuxotshiswa kwamalunga eCCC edale lePhalemende lakumakhansili nguMnu Sengezo Tshabangu, yena ozithi ungunobhala jikelele walelibandla.
UKufahakutizwi wayengumeli weTafara-Mabvuku ePhalamende njalo ungomunye wabaxotshiswa nguTshabangu. Ubefuna ukuncintisa kuma-by-elections aqhutshwe ngoMgqibelo ukuze abuyele esikhundleni lesi kodwa wavinjwa yinkantolo.
Ilunga leCCC uMnu Swithern Chiroodza usole kakhulu ukubotshwa kukaKufahakutizwi esithi kuveza sobala ukuhlukuluzwa kwamalunga ebandla lakhe nguhulumende weZanu PF.
Your browser doesn’t support HTML5
Ingxoxo loMnu Swithern Chiroodza
Kodwa ilunga leZanu PF uMnu Believe Gaule ukulandile lokhu esithi abantu nxa besephula umthetho kumele babotshwe kungakhathalekile ukuthi ngabaliphi ibandla.
Your browser doesn’t support HTML5
Ingxoxo loMnu Believe Gaule