Ibandla le Zanu PF selisalelwe ngamalunga edale lephalamende amathathu nje kuphela ukuthi libe lesilinganiso samalunga angenelisa ukuguqula isisekelo somnbuso, itwo thirds majority ngesilungu, kulandela ukhetho lwama by elections olwenziwe ngomgqibelo.
Kukhetho lwangoMgqibelo ibandla le Zanu PF lithole izihlalo eziyisikhombisa okwenza libe lamalunga edale afika phose amakhulu amabili, 184 kudale le National Assembly lona elilamalunga afika phose amakhulu amathathu, 280.
Olunye ukhehto lwama by elections luzenziwa ngomnyaka ozayo mhla ziku 3 ngo Zibandlela.
Ukhetho luzakwenziwa eGoromonzi South, Chegutu West, Mkoba North, Seke, Zvimba East le Pelandaba Tshabalala.
Sixoxe lesikhulumeli sebandla le CCC koBulawayo, uMnu. Swithern Chiroodza saqala ngokumbuza ukuthi ukhetho lwayizolo ulubona njani?
Your browser doesn’t support HTML5
Ingxoxo loMnu. Swithern Chiroodza.
Abasebenza loTshabangu bathi bamukela impumela yokhetho lwama by elections.
Sixoxe lomunye wabo, uMnu. Albert Mhlanga.
Your browser doesn’t support HTML5
Ingxoxo loMnu. Albert Mhlanga.
NgoMgqibelo kuvote abantu abalutshwana kakhulu.
Sixoxe lomunye oncintise kukhetho lolu, uMnu. Ambrose Sibindi ubemele ibandla le CCC esigabeni se Nketa kodwa wanqotshwa nguMnu. Albert Mavunga owebandla le Zanu PF.
Ke sizwe ingxoxo esiyenze loMnu. Sibindi.
Your browser doesn’t support HTML5
Ingxoxo loMnu. Ambrose Sibindi.
Elakusasa lebandla le CCC libuvilibana kulandela ingxabangxoza esebandleni leli.
Okudanisa abalandeli balo yikuthi kungaze kuyiwe emthethwandaba akuncedi ngalutho.
Sixoxe lesikhulumeli sebandla leli, uMnu. Promise mMkhwananzi saqala ngokumbuza ukuthi elakusasa lebandla balibona njani?
Your browser doesn’t support HTML5
Ingxoxo loMnu. Promise Mkhwananzi.