Impi pakathi kwe-Israel lebutho leHamas, elafakwa kuluhlu lwamaqembu amalwecatsha adlulisa amalawulo (ama-terrorists) yiMelika iqhubekela phambili iqina.
Kulemibiko ethi unina womeli wePalestine eZimbabwe uMnu Tamer Almassri ubulewe ekubhonjweni kwelinye lamadolobho eGaza yi-Israel ngoLwesibili.
I-Israel ngolwesihlanu ithe isithole amanye amagodi asetshenziswa libutho leHamas, izikhali kanye lokunye, okuyibufakazi, ethi buveza ukuthi iHamasa isebenza iphansi kwezakhiwo ezisetshenziswa nguzulu makhaza.
Ibutho leli aliphanga ubufakazi bemifanekiso kumbe amavidiyo amagodi la okubikwa esuka esikolo se-Al-Azhar University eGaza esiya kwesinye isikolo esiseduze, kodwa likhuphe imifanekiso yezikhali okubikwa zitholakale eyunivesithi le.
Unobhala jikelele womanyano wamazwe omhlaba uMnu Antonio Guterres uthe akusela ndawo evikelekileyo eGaza, sekusele amahola ambalwa ukuthi ikhansili ye-U.N. Security Council ivote kulandela isicelo sokuthi kumiswe impi eGaza ukuze kuphathiswe abalimeleyo labantu makhaza asebephelelwe yikudla lokunye.
Exoxa leStudio7 uMnu Mbuso Fuzwayo owenhlanganiso elwela amalungelo oluntu eye-Ibhetshu Likazulu uthi impi le isibulalisa abantu abamsulwa ngakho kufanele amacele omabili akhulumisane kube lokukhumisana umlotha.
Your browser doesn’t support HTML5
Ingxoxo loMnu Mbuso Fuzwayo ngempi yeIsrael leHamas.