Abebutho lakwele Israeli bathi namhlanje baqhubekele phambili behlasela kanzima abeqembu lebutho ele Hamas eGaza Strip, begxile kakhulu ngezansi yeGaza.
Lokhu kwenzakala ngesikhathi inhlanganiso eziphathisa uzulu ngoncedo ezamazwe womhlaba okugoqela oUnited Nationa beveza ukukhathazeka ngokuthi inengi likazulu mahlayana ongahlomanga akatholi indlela zokubalekela limpi.
Ele Israeli lize ukuzohlasela ngezikhali ezinkulu zamatanks lamasotsha ahamba ngenyawo edolobheni ele Khan Younis, eGaza Strip, ngasikhathi sinye ephosela ama missile ngezansi yeGaza.
Ibutho eleIsraeli beselilensuku lixwayisa abantu makhaza ukuthi kabasuke eKhan Younis, ukuze lihlasele kuhle abe Hamas.
Abehofisi ebona ngezoncedo enhlanganisweni yomanyano wamazwe womhlaba eyeU.N. Office for the Coordination of Humanitarian Affairs bathi kulabantu abaphose bafike izigidi ezimbili-1.8 million, asebebanjwe ngamandla ukubalekela imizi eGaza. Ngasikhathi sinye ababona ngeziphepheli abe U.N. agency for Palestinian refugees besithi kulabantu makhaza besiPalestina abedlula isigidi esisodwa abaphephele ezinkambeni zabo ezingezansi yeGaza.
Abantu abanengi babikwa bebalekile loba ukubanjwa ngamadla ukusuka emizini yabo ngenyakatho yeleGaza, bekhuthazwa ukuya ngezansi, ekuqaliseni kwalimpi abe Israel besethesa abe Hamas, umlandu wokucatsha ngemva kwabantu makhaza eGaza City.
Umnumzana Lynn Hastings, umqondisi obona ngoncedo oluqondiswe ezindaweni eziphansi kwePalestine, eGaza, wethule umbiko NgoMvulo, ethi indawo yokusebenzela ukuphathisa abantu makhaza abathinteke ngali mpi, lokhu iqhubeka incipha njalo lalolo ncedo ukuthi lufike eGaza sokusiba nzima ngamandla.
Abenhlanganiso ephathisa ngoncedo emhlabeni jikelele eye International Committee of the Red Cross, labo bethule umbiko oveza ukudana okukhulu ngokubhekane labantu makhaza ngoba sokusiba nzima ngamandla ukuthi bafinyelele uncedo ezigabeni eziphansi kwele Palestine.