Uhulumende weMelika usethule umthetho omutsha wokuncitsha amavisa iziphathamandla zeZimbabwe athi ziphazamise ukhetho olusanda kwedlula kanye leziphatheka kumisebenzi yokwephula amalungelo oluntu.
Unobhala obona ngobudlelwano beMelika lamanye amazwe uMnu Antony Blinken uthi bonke abalesandla akubusweni kubi kweZimbabwe lezimuli zabo abasoze bavunyelwe ukwethekelela elizweni lakhe.
UBlinken uthe njalo labo abahlukuluza amalunga enhlanganiso ezizimeleyo lawendla eliphikisayo eleCCC labo abasoze bavunyelwe ukwethekelela eMelika.
EleMelika livele lilezijeziso elazethesa amanye amalunga eZanu PF, agoqela uMongameli Emmerson Mnangagwa, ngoba lisithi bephula amalungelo kazulu.
Ilunga leCCC uMnu Abedico Bhebhe utshele iStudio 7 ukuthi okwenziwe yiMelika akumangalisi ngoba ukwephulwa kwamalungelo oluntu kubhahile eZimbabwe.
Your browser doesn’t support HTML5
Ingxoxo loMnu Abednico Bhebhe
Kodwa ilunga leZanu PF uMnu Believe Gaule uyisolile kakhulu iMelika esithi uhulumende walelilizwe wephula amalungelo ukwedlula ohulumende bonke emhlabeni jikelele.
Your browser doesn’t support HTML5
Ingxoxo loMnu Believe Gaule
Ingcwethi kwezombusazwe efundisa ekolitshini leWits University kweleSouth Africa uDr Jethro Mpofu yena uthi ukujezisa amalunga eZanu PF aphazamisa umbuso okhululekileyo kulungile kodwa ukuze kube lenguquko eZimbabwe, kumele uzulu abe nguye ohlokomayo.
Your browser doesn’t support HTML5
Ingxoxo loMnu William Jethro Mpofu