Ibandla leCCC lithi umhlangano walo wokudinga usekelo phambilini kokhetho lwama-by-elections obumele wenzelwe eCowdray Park ngeSonto uvinjwe ngamapholisa ngoba esithi sokulomhlangano weZanu PF.
Umhlangano weZanu PF lo uzakhokhelwa ngumsekeli kaMongameli welizwe uMnu Constantino Chiwenga.
Ozancintisa emele iCCC edinga ukuba ngumeli wesigaba lesi edale lePhalamende uMnu Pashor Sibanda ukusolile kakhulu lokhu esithi yibo abaqala ukuphiwa imvumo ngamapholisa.
UPashor, yena ozancintisana loMnu Arthur Mujeyi oweZanu PF, uthe lanxa kunjalo, bayaqhubeka ngenhlelo zokudinga usekelo phambilini kwama-by-election azakwenziwa ngoMgqibelo ozayo.
Your browser doesn’t support HTML5
Ingxoxo loMnu Pashor Sibanda
Umkhokheli webandla leCCC uMnu Nelson Chamisa nguye obekhangelelwe ukukhokhela umhlangano wokudingela uSibanda usekelo eCowdray Park.
Ilunga leZanu PF Central Committee uMnu Joseph Tshuma yena utshele iStudio 7 ukuthi yibo abaqala ukubikela amapholisa ngomhlangano wabo.
Your browser doesn’t support HTML5
Ingxoxo loMnu Joseph Tshuma