Isicelo esiphanyekwe edale laphezulu eleSupreme Court, ngabebandla leCCC abaxotshiswa epalamende lesenethi ngozithi ungunobhala jikelele weCCC uMnu Sengezo Tshabangu silahlwe yilumthethwandaba usithi asiphanyekwanga kuhle.
Amagqwetha amela abaxotshiswayo laba abikwa engalandelanga iziqondiso zedale leli ekuphanyekeni loludaba. Lokhu kutsho ukuthi udaba lolu luhle lwalahlwa lungakahluzwa.
Abaxotshiswayo labo bayenelisa ukulungisisa amaphepha abo bebuyele edale, kodwa asenelisanga ukuxhumana lamagqwetha abo ukuze sizwe ukuthi bazabuyela na, emthethwandaba.
Okwakhathesi limpumela itsho ukuthi ukhetho lwamaby-elections luzaqhubekela phambili mhlaka 9 Mpalakazi.
IStudio7 ixoxe lesikhulumeli seCCC uMnu Promise Mkhwananzi yena othi amadale omthethwandaba awakhululekanga njalo athatha icele likaTshabangu.
Your browser doesn’t support HTML5
Ingxoxo loMnu Promise Mkhwananzi ngodala olulahlwe yiSupreme Court.
Siphinde saxoxa njalo lesikhulumeli sikaMnu Sengezo Tshabangu, uMnu Khaliphani Phugeni yena othi amadale omthethwandaba alandela imithetho.
Your browser doesn’t support HTML5
Ingxoxo loMnu Khalipani Phugeni ngokulahla kodaba lweCCC yiSupreme Court.