Umumo wendlala uqhubeka usiba mubi endaweni ezitshiyeneyo zelizwe lapho abantu abanengi abathi sebelamba khona njalo izifuyo lenyamazana zasendle lazo zisifa ngobunengi.
Emadamu amanengi enyakatho lasezansi yeMaNdebeleni izakhamizi zithi sezidiniwe ngokuhlinza inkomo ezicubayo kanye lezifela emadamu asesitsha zizama ukunatha.
Inyamazana zeganga lazo zibikwa zisifa, ikakhulu inyathi lendlovu.
Ugatsha olubona ngokulondolozwa kwenyamazana zasendle luthi kusukela ngoMpandula lonyaka sokufe indlovu eziphose zifike ikhulu, 94, eHwange National Park.
Ukhansila kaWard 18 eDete, duzane leHwange, uMnu Stanley Torima utshele iStudio 7 ukuthi umumo mubi kakhulu ebantwini lasenyamazaneni esigabeni sakhe njalo uthi uhulumende kumele angenele ngokuphathisa abalambayo.
Your browser doesn’t support HTML5
Ingxoxo loMnu Stanley Torima
FILE: Ziyafa ngobunengi inkomo ngenxa yendlala.