Kusungulwe umkhankaso we16 Days of Activism Against Gender-based Violence ngoMgqibelo abesifazana beZimbabwe bekhala ngokuthi ziyanda izehlakalo zokuhlukuluzwa kwabo ngabesilisa ezindlini.
Umkhankaso lo usungulwe ngosuku lokulwisana lokuhlukuluzwa kwabomama olweInternation Day for the Elimination of Violence Against Women futhi uzaqhutshwa kuze kuyefika mhlaka 10 ngoMpalakazi, okulusuku lokunanzwa kwamalungelo oluntu, olweHuman Rights Day.
Unobhala jikelele weUnited Nations (UN) uMnu Antonio Guterres, kumbiko wakhe wokusungula lumkhankaso, ukhuthaze uzulu jikelele ukuthi ebambane ukuze kuqedwe udlakela oluqondiswe kwabesifazana.
Okhankasela ukulondolozwa kwamalungelo abesifazana uNkosazana Magodonga Mahlangu utshele iStudio 7 ukuthi ukuhlukuluzwa kwabomama yinto eqhubeka idlondlobala eZimbabwe.
Your browser doesn’t support HTML5
Ingxoxo loNkosazana Magodonga Mahlangu