Kulabafundi beUniversity of Zimbabwe abathathu abangamalunga enhlanganiso yeZinasu abamiswe enkantolo kamantshi ngoMgqibelo bakhululwa ngemali yesibambiso, i-bail, engamatshumi amahlanu amadola, US$50, ngamunye.
Abathathu laba, ababalisa uConfort Mpofu, Allen Marashe loTinashe Saswa babotshwe ngoLwesihlanu besetheswa icala lokutshengisela ngaphandle kwemvumo yamapholisa kanye lokubhidliza impahla yabanikazi.
Abafundi laba babotshwe ngemva kokutshengisela eUniversity of Zimbabwe besola ukuvinjwa kwabo yiziphathamandla zekolotshi ukuncintisa kukhetho lokudinga inkokheli yabafundi entsha eUZ.
Kodwa isiphathamandla seZinasu esifunda ekolitshini leNUST koBulawayo, uMnu Chris Fundirwa utshele iStudio 7 ukuthi iziphathamandla zeUZ zazise abafundi laba ngemva kokukhululwa kwabo ukuthi sebengancintisa kukhetho oluzakwenziwa mhlaka 28 kulinyanga.
Your browser doesn’t support HTML5
Ingxoxo loMnu Chris Fundirwa