Isivumelwano sokumisa impi okwamalanga amane siqale ukulandelwa namuhlanje kukangelelwe ukuthi kuzakhululwa abathunjwa yiHamas kanye lemaPhalestina abotshwa yi-Israel.
Phansi kwesivumelwano lesi iIsrael leHamas zizatshintshana abantu abathunjiwelo lababotshiweyo, kuzakhululwa abesifazane labantwana abangamatshumi amahlanu abathunjwa yiHamas ngenyanga edluleyo, kanye labePhalestina abalikhulu lengxenye abasentolongweni e-Israel.
Abathunjiweyo abalitshumi labathathu bakhululwE eGaza namuhlanje, abanye bezakhululwa kunsuku ezilandelayo beze befike amatshumi amahlanu.
Ekhuluma leStudio7 uMnu Ambrose Sibindi, olandela ezombusazwe, owayengumgcinisihlalo wenhlanganiso yezakhamuzi zakoBulawayo eyeBulawayo Progressive Residents Association njalo elilunga leCCC ukhuthaze amacele omabili la ukuthi akhulumisane ukuzekumiswe limpi kuqale ukwakhiwa kutsha hatshi ukuqhubekela phambili kubhlidlizwa.
Your browser doesn’t support HTML5
Ingxoxo loMnu Ambrose Sibindi ngempi yeIsrael leHamas.