Amapholisa ngoLwesihlanu abophe amaunga enhlanganiso yeZimbabwe National Students Union (Zinasu) abablisa uConfort Mpofu, Allen Marashe loTinashe Gaswa.
Abathathu laba betheswa icala lokutshengisela ngaphandle kwemvumo kanye lokubhidliza impahla yabanikazi ngemva kokutshengisela besola ukuvinjwa kwabanye babo ukuthi bancintise kukhetho lokudinga inkokheli yeUniversity of Zimbabwe.
Abasolwa bakhangelelwe ukumiswa enkantolo ngoMgqibelo.
Inhlanganiso yamagqwetha amela eyeZimbabwe Lawyers for Human Rights yazise ukuthi ikhweze amaphepha eHigh Court icela ukuthi iphoqe ikolitshi leUniversity of Zimbabwe ukuthi livumele abafundi bonke abafuna ukuncintisa ukuthi baphatheke kukhetho lweSRC.
Okhokhela inhlanganiso elwela amalugelo oluntu eyeIbhetshu Likazulu uMnu Mbuso Fuzwayo usole ukubotshwa kwabafundi laba esithi kuveze sobala ukwephulwa kwamalungelo oluntu nguhulumende weZanu PF.
Your browser doesn’t support HTML5
Ingxoxo loMnu Mbuso Fuzwayo