Umthethwandaba weHigh Court koBulawayo ngoLwesine unqume ukuthi kumele kwenziwe ukhetho olutsha olokudinga ummeli weBulilima edale lePhalamende, lapho okwanqoba khona ilunga leZanu PF uMnu Dingumuzi Phuti.
UPhuti wamangalelwa ngowayencintisana laye oweCCC uNkosikazi Bekezela Maplanka, yena otshele inkantolo ukuthi umsolwa wethusela abantu esithi bazabulawa bengekela ukumvotela.
Umahluli wedale ulaye iZEC ukuthi yenze ukhetho olutsha ngemva kokuba uMnu Phuti eyekele ukuyazivikela enkantolo kumbe ukuthumela igqwetha.
Ebuzwa yiStudio 7 ngaloludaba, uPhuti, ongumsekeli njalo kamphathintambo obona ngokwethulwa kwemibiko ngemitshina yakulezinsuku, uthe akazi lutho ngalo.
UPhuti ulakho ukuphikisa loludaba.
Kodwa uNkosikazi MaPlanka yena uthe uyathokoza kakhulu ngesinqumo lesi futhi uthi usemelele ukuthi kwenziwe ukhetho lwe-by-election.
Your browser doesn’t support HTML5
Ingxoxo loNkosikazi Bekezela Maplanka