Abanye babantu abathunjwa yiHamas ngesikhathi ihlasela i-Israel ngenyanga edluleyo bakhangelelwe ukukhululwa ngoLwesihlanu.
I-Israel ithi ukukhulumisana kusaqhubekela phambili njalo ikhangelele ukuthi abathunjiweyo baqale ukukhululwa ngolwesihlanu.
Phansi kwesivumelwano lesi, iIsrael izakuma ukuhlasela eGaza okwamalanga amane.
IHamas ikhangelelwe ukuthi ikhulule abesifazana labantwana abangamatshumi amahlanu.I-Israel yona ikhangelelwe ukuba izakhulula izibotshwa zePhalestina ezilikhulu lamatshumi amahlanu (150).
Akukaziwa ukuthi abathunjwa yiHamas abazakhululwa yizizalwane zawaphi amazwe kodwa iziphathamandla zeMelika zithi zicabangela ukuthi kuzakhululwa izizalwane zalelolizwe eziyisitshiyagalolunye.
Ekhuluma loTaboka Ncube owe Studio7 uMnu Stevenson Dlamini, ingcwethi yezombusazwe njalo engumbalisi ekolitjini le National University of Science and Technology uthi lokhu akutsho ukuthi amacele amabili aseseduze lokukhumisana umlotha njengoba kuvamile ukuba lezivumelwano ezinye empini.
Your browser doesn’t support HTML5
Ingxoxo loMnu Stevenson Dlamini ngempi yeIsrael leHamas