Inhlanganiso yeZimbabwe Catholic Bishops' Conference ikhuphe umbiko okhuthaza ukuthula, isithi ikhathazekile ngendaba zokuthunjwa, ukuhlukuluzwa lokubulalwa kwabantu.
Ikhuthaze njalo ukuthi inkokheli zamabandla ezombusazwe zikhuthaze ukumiswa kodlakela lwezombusazwe.
Ngalesi sikhathi kulungiselelwa ukhetho lwamaby-election oluzaqhutshwa mhlaka 9 Mpalakazi ibandla eliphikisayo eleCCC lithi umumo wezombusazwe awumanga kuhle eZimbabwe. Ibandla leli likhangelane lobunzima bokudonselana ngemva kokuba ozithi usaphethe isikhundla sikanobhala waleli bandla, uMnu Sengezo Tshabangu exotshise amalunga alo ePalamende, eSenethi kanye lasemakhansilini.
ICCC ithi indubo zayo zidalwa yiZanu-PF, njalo isethesa ibandla leli umlandu wakuthumba, ukuhlukuluza lokubulala amalunga alo, okuyinto elandulwa yi-Zanu PF.
Ukuhlaziya loludaba iStudio7 ixoxe lomkhokheli wenhlanganiso esekela iZanu-PF eye Forever Associates Zimbabwe (FAZ) Umnu Kudakwashe Munsanka, lowayengumsekeli kaMeya wedolobho lakoBulawayo owaxotshiswa umsebenzi nguMnu Tshabanga, uMnu Donaldson Mabutho owe CCC.
Your browser doesn’t support HTML5
Ingxoxo loMnu Donaldson Mabutho loMnu Kudakwashe Munsanka ngomumo wezombusazwe.