Ikhansili yeHarare isihlela ukuba kusungulwe uhlelo lokubopha abaphila ngokuthengisa abasebenzela emigwaqweni lendaweni ezingekho emthethweni njengendlela yokumelana lokusabalala kwesihudo seCholera. Kodwa abaphila ngokuthengisa bathi kabayindawo ngoba yiyo yodwa indlela abalayo yokkuziphilisa lemuli zabo.
Ngolwesibili uhulumende uphe umanisiphala weHarare umlayo othi ngemva kweviki eyodwa kumele abe sephume lendlela yokuthi akhiphe abaphila ngokuthengisela endaweni ezingekho emthethweni kuleli dolobho.
Uhulumende uthi nxa umanisiphala engehluleka ukuphuma lamacebo okuqhuba loluhlelo yena uzangenela aluqhube ngokwakhe.
Imizamo yeStuudio 7 yokuzwa imibono kaMeya we Harare, umnumzana Lovejoy Chitengu, yehlule njengoba ube engasabeli umakhalekhukhwini wakhe.
Kodwa umgcinisihlalo wekomiti yekansili ebona ngezamabhizimusi amancane umnumzana Womberaishe Nhende, utshele iStudio7 ukuthi ikhansili yakhe ibivele ihlele ukusungula loluhlelo uhulumende ngekethuli umlayo lowo.
Kodwa omunye ophila ngokuthengisa emigwaqweni yase Harare, umnumzana Thabani banda uthi ngaphandle kokuba batholiswe imisebenzi abalayo eyinye indlela yokuziphilisa. Lokhokho okokuthi yibo ababangela uusabalala kwesihudo seCholera uyakulandula.
Esinye isakhamusi sase Harare, laso esiphila ngokuthengisa umnumzana strike dube uthi akulula ngesimo somnotho esikhona elizweni ukuthi baziphlile ngaphandle kokuthengisa.
Ucubo lweCholera soluhluphile hatshi e Harare kuphela kodwa llaselizweni lonke jikelele. Ngokutshona kosuku lwayizolo abantu abedlula inkulungwane ezithoba minwemibili bebe sebebanjwe bele Cholera lokhe yaqhumakayo ekuqaliseni kwalonyaka, yabulala amakhulu amabili.
Your browser doesn’t support HTML5
Udaba lwabaphila ngokuthengisa eHarare okumele bakhithswe emigwaqweni