Zisele zikhuza umhlolo izakhamizi zeWest Nicholson ngoLwesine lweviki edlulileyo ngemva kokuba indwangu ijamula umntwana olomnyaka lenyanga eziyisithupha ngengavula zamazinyo ekamelweni yamluma yabaleka laye.
I Studio yenelise ukuxhumana lonina walingane, uNkosazana Petronella Moyo esibhedlela seGwanda lamhlanje lapho alaliswe khona lomntanakhe lapho asilandisele khona okubehleleyo njengemuli.
Baboon bites and snatches toddler in West Nicholson
“Ngangisendlini ngikorobha umntwana esemnyango webedroom mina ngiphakathi ebedroom indwangu yangena emnyango wesitting room, indwangu ingena umntwana eqala ukukhala ngathi ngiyathalaza ngabona umntwana sedonswa yindwangu ibaleka ngayigijimisa yaze yamtshiya yayibaleka laye.Indwangu yamluma isilonda sakhona siligodi ngoba iveranda lami liphezulu so yona ukweqa kwayo isiya phansi ngangicabanga ukuthi ngizamthola sefile umntanami.”
Indwangu zihluphile endaweni yeWest Nicholson kanye ledolobheni leGwanda lapho esezilesibindi sokungena emizini yabantu zitshontsha ukudla.
Baboon bites and snatches toddler in West Nicholson
Lanxa abanakekela inyamazana zendle abeNational Parks and Wildlife Management beyake bezidubule akubi lenguquko ebakhona kulokhu kufuthelana osokukhona phakathi kwezinyamazana zendle labantu elizweni jikelele.
Your browser doesn’t support HTML5
Udaba lomntwana owalunywa yindwangu silwethulelwa nguAlbert Ncube.wav