Ingcwethi zezempilakahle zithi isimo seParaplegia sibangelwa yikulimala umgogodla le qolo okudala ubunzima obenza umuntu ehluleke ukusebenzisa ezinye izitho zomzimba acine esebanjwa ngamandla ukusebenzisa inqola eye wheelchair.
Unkosazana Muslin Hwiza okhankasela amalungelo abakusimo esinje uchaisa ngobunzima obubhekaana labaphila lesimo separaplegia. empilweni.
“Ungakhangela indawo ezinengi ezifana lezilindo zama bhasi,ema hotela, ezitoloakukabi kubanga elisekela abahamba ngama wheelchair kanti kumele indawoezinje zilungisiswe kube lozwelo kwabakhubazekileyo.”
Unkosazana Rejoice Garai ophila lalesisimo uthi kudinga ukuba uzulu ezwisise abe ngosekela ngokuzwayo abalalesisimo kuqalisela emhulini ngoba umuntu olaso kungatsho ukuthi kasela themba.
“Ulakho ukuphila impilo enhle sibili uzijabulela usenelisa lokuziphilisa. Ungazikhangeleli phansi, kudinga nje ukuthi uzulu akuzwisise kusukela emhulini.”
Uqhubeke ethi ukuzigcina kuhle lokuhlanzeka kuqakathekile unanzelela lokunanza impilakahle yakho.
“Singabantu abahlaselwa kalula ngama infections kugoqela lezilonda zamapressure sores lezinye so kumele sibe lemithi ehlanganisela ama anti-bioticsleminye zikhathi zonke.”
Unkosazana Hwiza uthi lokhu kuqakathekile kakhulu .
“Udubo ngolokusilela kwemithi ezibhedlela njalo uzathola ukuthi lemitshinaedingakalayo iyabe ingasebenzi ezikhathini iphazanyiswa njalo nge loadsheddingesiphakathi kwayo, ludubo olukhulu kakhulu njalo akulula ikakhulu kulaboabangekho ku social well-fair “
Ingcwethi ekhokhela inhlanganiso ye Quadriplegic and Paraplegic Association yakwele South Africa umnumzana Richard Baron uthi kudingakala ukuzivikela yokulimala umgogodla le qolo zikhathi zonke.
“Asitshiyane lamacala kunye lezidakamizwa, siphinde sinanzelele kakhuluemigwaqweni ngokutshayela ngobunono silama seat belts kuthi kumidlalo yamasport silandele ama rules aleyo midlalo zikhathi zonke sivikele ukulimala okunje.”
Ugcizelele ngokuthi kulabo asebelaso lesi simo kuqakathekile ukulandela indlela ethile sonke isikhathi kugoqela imithi oyinathayo, ukuhlanzeka, ukulandela indlela elungileyo ukuya esambuzi ,unanzelela njalo lalokho okwenzayo lalokho okudlayo.
“Thola ukuhlala uphumule ngendlela efaneleyo, ungancindezeli umzimba, ubengumuntu ohlala ehlanzekile ukuze kungadali ezinye izifo njalo uhlale umzimbawakho upholile ngoba ngezikhathi ezinje uyabe ungasenelisi ukukwenza lokhungokwawo.”
Ele Zimbabwe lilomthetho osekela abantu abakhubazekileyo njalo kumele bethole uncedo bengabhalisa kugatsha olubona ngenhlalakahle kazulu olwe public service labour and social well-fair noma abakhubazekileyo bethi alweneli loloncedo.
I-Paraplegia ivame ukubangelwa ngokulimala engozini zemigwaqweni esezisanda e Zimbabwe, ukudutshulwa kumbe ukugwazwa, ukuwela phansi ngendlela engalunganga ngamandla amakhulu lezilonda zama spine tumor langeminye imikhuhlane enjenge mvukuzane lokunye.
Your browser doesn’t support HTML5
Udaba lwabaphila lesimo seParaplegia siluphiwa nguMark Peter Nthambe