Abalandeli benguqu, imuli, labanye abavela endaweni ezitshiyeneyo babuthene eBulawayo Amphitheatre bevalelisa umufi owake wadlalela iHighlanders leqembu lesizwe njalo waba ngumqeqetshi wodumo, uRahman Gumbo.
Isidumbu sakhe sifike koBulawayo izolo sivela eBotswana lapho afela khona ngeviki edluleyo.
UGumbo owaziwa ngabanengi ngokuthi Rush, obeseqeqetsha iqembu leMorupule Wanderers uzabekwa kusasa eLady Stanley Cemetery.
Ekhuluma leStudio7 owake waba ngumqeqetshi weqembu lesizwe njalo esengumqondisi we CM International Soccer khonalapha eMelika, uMnu Charles Mhlauri uthe ilizwe lilahlekelwe ngumqeqetshi wohlonzi lwaphezulu.
Your browser doesn’t support HTML5
Ingxoxo loCharles Mhlauri ngokubhubha kukaRahman Gumbo.wav