Umkhokheli weCCC uMnu Nelson Chamisa namuhla uhambe wayakhalela imuli yelunga lebandla lakhe elithunjwe ngeviki edluleyo latholakala lifile, uMnu Tafumaneyi Masaya, eMabvuku lapho asole khona uhulumende weZanu PF esithi uya phambili ngokuhlulukuluza lokubulala abalandeli beCCC. Ekhuluma esendlini yomufi eMabvuku namuhla, uMnu Chamisa usole kakhulu ukuthunjwa lokubulawa kukaMasaya, esithi lobu yibudlova obedlulise amalawulo obungamelanga buvunyelwe eZimbabwe. Uthe njalo kusobala ukuthi uMasaya wabulawa ngabantu beZanu PF, bona athi babusa ngendlela ehlukumeza uzulu.
Wengeze wathi okubuhlungu kakhulu yikuthi iziphathamandla zebandla elibusayo lezikahulumende azikethuli amazwi zisola isehlakalo lesi kumbe ukududuza umndeni kaMasaya.
"Okumangalisayo yikuthi akula mazwi avela kibo abe ZANU PF ukuba batsho amazwi enduduzo. Okusobala yikuba yibo ababangela ukuba kwenzakale izehlakalo lezi"
CCC murdered member Tapfumanei Masaya Funeral
Ekhuluma phambi kombuthano wabasekeli beCCC ahambe labo ukuyaduduza imuli kaMasaya, uChamisa uthe amalunga ebandla lakhe athwele nzima ngokuthunjwa lokuhlukuluzwa ngabantu abanakanelwa ukuthi ngabacuphi abasebenza leZanu PF, khona athi kuveza sobala ububi bombuso kaMongameli Emmerson Mnangagwa.
UMasaya uthunjwe ngesikhathi esemkhankasweni wokudingela ibandla lakhe usekelo phambilini kokhetho lwama-by-elections emzini weTafara/Mabvuku.
Isikhulumeli seZanu PF uMnu Farai Marapira usole amazwi kaChamisa esithi ibandla lakhe alilani lodlakela oluselizweni kanye lokubulawa kukaMasaya.
CCC murdered member Tapfumanei Masaya Funeral
"Siyakwazi ukuba uMongameli Mnangagwa ukhuluma ngokuthula lokubambana. Asizake sibezwe bekhuluma ngokuthula. Bayaqhubeka beqhubekisa ukulwa elizweni. Siyakwazi ukuba ngu Chamisa owenza lokhu"
Ingcwethi kwezombusazwe esebenza lebandla lePeople’s Unity Party (PUP) uMnu Hebert Chamuka uthi kusobala ukuba ibandla leZANU PF yilo eliphatheka kuzehlakalo zokuthuselwa kwabantu.
CCC murdered member Tapfumanei Masaya Funeral
"Siyakwazi ukuba ibandla le ZANU PF alifuni kuphikiswa. Benza lokhu ngoba befuna ukulwisana lebandla le CCC. Bayakwazi ukuba bengekela ukwenza lokhu bazanqotshwa kukhetho "
Abemuli kaMasaya labebandla lakhe bathi bamelele impumela yokuhlolwa kwesidumbu ukuba kwazakale ukuthi ubulewe njani kumbe ubulewe yini, iPost Moterm, okumele yenziwe zingcwethi ezizimeleyo. Isidumbu sakhe satholakala siganyuliwe umzimba wonke ngezikhathi iCCC ethi kungaba ngababhemba.
Your browser doesn’t support HTML5
Udaba lwemfa kaMasaya silwethulelwa nguMlondolozi Ndlovu.wav