Ikhomishini kahulumende ebona ngokulondolozwa kwamalungelo oluntu, eyeZimbabwe Human Rights Commission, isisole izehlakalo zodlakela oluphathelane lezombusazwe kulandela ukuthunjwa lokubulawa kwelunga lebandla eliphikisayo eleCCC, uMnu Tapfumaneyo Marapira.
Lanxa ingacacanga ukuthi ikhuluma ngodaba lukaMasaya, ikhomishini le yethule umbiko enkundleni yeX isithi iphakathi kokuphenya zonke izehlakalo zodlakela esezibhahile kulezinsuku ngesikhathi kulungiselelwa ukhetho lwama-by-elections.
Likhomishini ithi labo abahlukuluza abanye kumele babekwazi ukuthi umuntu wonke ulelungelo lokusekela ibandla alifunayo engahlukuluzwa. Ngokunjalo, ithi abantu kumele bahlalisane ngokuthula kungakhathalekile ukuthi basekela liphi ibandla.
Ibandla leCCC lithi uMasaya uthunjwe wabulawa ngabacuphi labasekeli beZanu PF, kodwa ibandla elibusayo liyakulandula lokhu.
Banengi abasekeli beCCC asebethunjiwe kusikhatshana esedluleyo batholakala betshayiwe balimala kakubi futhi bagoqela omela abasakhulayo ePhalamende uMnu Takudzwa Ngadziore.
Ingcwethi kwezombusazwe uMnu Effie Dlela Ncube utshele iStudio 7 ukuthi iZimbabwe Human Rights Commission iphambanisile ngokungakhulumi ukuthi umbiko wayo uqondane lokubulawa kukaMasaya.
Your browser doesn’t support HTML5
Ingxoxo loMnu Effie Dlela Ncube