Amabutho eIsrael aqhubekela phambili esesibhedlela seShifa esiseGaza kulandela ukungena kwawo kulesi sibhedlela ngoLwesithathu edinga amabutho eHamas, esifakwe yiMelika kuluhlu lwamaterrorist.
I-Israel ithi iHamas ilesigodlo sayo phansi kwesibhedlela seShifa njalo icatsha ngezigulane lezisebenzi zesibhedlela lesi, okuyinto elandulwa yi-Hamas leziphathamandla zezempilakahle eGaza.
Ele-Israel selitshele njalo amaPhalestina ukuthi aphume emadolobheni amane awezansi yeGaza, kusitsho ukuthi i-Israel ilakho ukuqala njalo ukuhlasela kulindawo.
Uhlangothi lwezomvikela phansi kwenhlanganiso yomanyano wamazwe omhlaba olweUN Security Council seluthethe isinqumo sokukhuthaza ukuthi abathunjwa yi-Hamas bakhululwe njalo kumiswe impi eGaza. I-Israel yona ithi isinqumo lesi asihambelani lokwenzakalayo.
Ingcwethi zezombusazwe ziqhubekela phambili zikhuthaza ukuthi impi le imiswe ukuze kuvinjwe ukufa kwabantu makhaza. Abantu asebefile kulimpi eGaza kubikwa sebesedlula inkulungwane ezilitshumi lanye kuthi e-Israel kubikwa kufe inkulungwane lengxenye njalo kulabanye abalokhu bethunjiwe. IStudio7 ixoxa lengcwethi yezombusazwe njalo eyisikhulumeli sebandla leZapu Umnu Msongelwa Ndlovu ngaloludaba.
Your browser doesn’t support HTML5
Ingxoxo loMnu Msongelwa Ndlovu ngempi yeIsrael leHamas