Abantu baqhubeka bebuthene esililweni sika muyi uMnu Tapfumaneyi Masaya owayelilunga le CCC othunjwe wabulawa ngempelaviki edluleyo.
Abemuli labebandla lakhe ele CCC bathi basamelele impumela yokuhlolwa kwesidumbu ukuba kwazakale ukuthi uthethwe yini, sibi sibili, iPost Moterm, okumele yenziwe zingcitshi ezizimeleyo hatshi ezikahulumende andubana kuqaliswe amalungiselelo omngcwabo.
UMnu Tapfumanei Masaya unthunjwe NgoMgqibelo ngabantu abangaziwayo abanakanelwa ukuba ngabacuphi abasebenza nsitha esemkhankasweni wokudingela ibandla lakhe usekelo kukhetho lwamaBy-Elections emzini oweTafara/Mabvuku, lapho akade ehlala khona.
Kolunye udaba, owake waba ngumsekeli kamphathintambo weze mali eZimbabwe, uMnu Terrence Mukupe ugwetshwe ukuhlala ejele okweminyaka emithathu kucala lakhe lokuqila uhulumende ethengisa amafutha awe diesel engabhadali imithelo eyeDuty.
UMukupe ube ephiwe iminyaka emithathu lenyanga eziyisithupha kodwa idale limkhiphele inyanga eziyisithupha, umthethwandaba wanquma ukuba ahlaule inkulungwani ezilitshumi lambili zamadola eMelika- US$12,000 ukuze abisele enye imali ayiqila uhulumende.
Icala leli walidala ngomnyaka ka 2017 lapho inkampani yemithelo welizwe eye ZIMRA yabamba imota zakhe emgceleni owe Chirundu Border post zisithi zithwele amafutha awe diesel kodwa kwatholakala kungamanzi.