Isigodlo sommeli weMelika eZimbabwe ngoLwesibili sisole kakhulu ukubulawa kwelunga leCCC uMnu Tapfumaneyi Masaya, yena otholakale egongodiwe ngemva kokuthunjwa ngabantu abanakanelwa ukuthi ngabacuphi bakahulumende kanye lamalunga eZanu PF.
Kumbiko esiwethule enkundleni zokuxhumana, isigodlo lesi sithe uhulumende kumele aphenye loludaba kabanzi ukuze kuvezwe ukuthi uMasaya wathunjwa njalo wabulawa ngobani.
Inhlanganiso ezilwela amalungelo oluntu ezibalisa eyeHuman Rights Watch, Amnesty International kanye leyeSouthern African Human Rights Defenders Network lazo zethule umbiko zibambene zisola ukubulawa kukaMasaya.
UMasaya uthunjwe ngoMgqibelo ngesikhathi ekhankasela ibandla lakhe phambilini kokhetho lwama-by-elections, olokudinga ummeli weMabvuku edale lePhalamende ngenyanga ezayo kulandela ukuxotshiswa kowayemela lesisigaba ngozithi ungunobhala jikelele weCCC uMnu Sengezo Tshabangu.
Imuli yakhe kanye labeCCC bathi uMasaya ukhanya wabulawa ngokuganyulwa ngamabhemba.
Isiphathamandla salelibandla eMelika uMnu Tim Muringai uxwayise labo abasetshenziswa ukuthumba lokubulala amalunga ebandla lakhe ukuthi kumele baqaphele ngoba nxa sokubotshwa abantu yibo abazajikelwa ejele, hatshi labo ababathumileyo.
Your browser doesn’t support HTML5
Ingxoxo loMnu Tim Muringai
Isikhulumeli sebandla leZanu PF uMnu Farai Marapira yena uthi ibandla lakhe alilani lokwenza lokuthunjwa kumbe ukubulawa kwabasekeli beCCC.