Washington DC —
Inhlanganiso ephathisa ibandla le Zanu PF, eye Forever Associates Zimbabwe, i-FAZ, ithi izakhankasela lelibandla kukhetho lwama by elections oluzayo.
Ngempelasonto abavoti esigabeni se Gutu West bethese linhlanganiso icala lokwethusela abalandeli bebandla le CCC ngokuma phandle kwalapho obekuvotelwa khona.
Ukhetho luzenziwa ezigabeni ezilandelayo: Beitbridge West, Binga North, Bulawayo South, Cowdray Park, Lobengula-Magwegwe, Lupane East, Mabvuku-Tafara, Mpopoma-Mzilikazi, le Nketa.
Umkhokheli we FAZ, uMnu. Kudakwashe Munsaka utshele iStudio Seven ukuthi bazakuba bephathisa ibandla le Zanu PFkukhetho lolu oluzenziwa Mhla ziku 9 ngenyanga ezayo.
Your browser doesn’t support HTML5
Ingxoxo loMnu. Kuda Munsaka.