Ozithi ungunobhala jikelele webandla leCCC uMnu Sengezo Tshabangu uthi phakathi kwamalunga awaxotshisayo edale lephalamende kulamanye aphambanisa ngokuwaxotshisa; ngakho uthi lokhu kuzamele kulungiswe.
Isikhulumeli sikaTshabangu, uMnu Khaliphani Phugeni uthi kodwa kunzima ukuba kulungisiswe manje ngakhoke sebezamelela ukhetho lwamaBy-elections.
"Siyakwazi ukuba kwenzakala iphutha kwezinye indaba. Ukuloba incwadi kulungisiswa lokhu kuyinto ehluphayo ngoba nxa ilanga lokhetho selibekiwe kunzima ukukuguqula lokhu"
Kodwa isikhulumeli seCCC, uMnu Promise Mkhwananzi uthi lokhu kuveza ukuba uTshabangu udlala ngenqondo zabantu.
"Kusobala ukuba lokhu abakwenzayo kakulani labantu. Kuyikwenza kwabo nje okungelani lelungelo likazulu njalo kuyadanisa sibili "
Kolunye udaba, owake waba ngumcebisi kasibalukhulu webhanga elikhulu lelizwe eleReserve Bank of Zimbabwe (RBZ), uMnu Munyaradzi Kere ndawonye lomunye abotshwa laye, uMnu Everisto Rushambwa, bakhululwe ngemali yesibambiso eye-bail yinkantolo kamantshi ngoMvulo.
UKereke wetheswa icala lokuqila inkampani ephathisa kundleko zokwelatshwa eyeHarare Medical Aid Society (HAMMAS), inkulungwane ezingamakhulu amane zamadollar eMelika-US$400,000.
Esipha isinqumo kusicelo seBail, uMatshi uMarehwanazvo Gofa uthe uKereke kuzamele abhadale amakhulu amabili amadola eMelika- US$200, ahlale kukheli ayinikeze umthethwandaba, angaphazamisi abafakazi bakahulumende njalo uzakuya emapholiseni ukuyazibika kanye ngelanga.
UKereke lomunye wakhe bazaphenduka emthethwandaba mhlaka 13 Mpalakazi.
Your browser doesn’t support HTML5
Udaba lukaTshabangu lokuxothisa abeCCC siluphiwa nguMlondolozi Ndlovu