Enye inkokheli yebandla le CCC ebalisa, oMnu. Welshman Ncube lo Tendai Biti isizigeze izandla phezu kokuxotshwa kwamalunga ebandla eCCC edale lephalamende, senate lecouncil okwenziwe nguMnu. Sengezo Tshabangu.
Kulandela ukuxotshiswa kamalunga ebandla le CCC asefika phose ikhulu nguTshabangu abanye abalandeli bebandla leli bebesethesa umlandu uNcube lo Biti besithi basebenza laye.
Kodwa uNcube izolo utshele intathelizindaba ukuthi kalani lokwenziwa ngu Tshabangu.
Namuhla uBiti laye wethule umkbiko esithi lanxa elezikhalazo ngokungaphiwanga ithuba lokuncintisa ukuba lilunga ledale lephalamende kasoze wafa wasekelana lendla yokulungisisa lezizikhalazo ngokuxotshisa abanye.
Wengezelele esithi wake wazama ukugenqula umthetho wokuxotshisa amalunga edale lephalamende le khansilo lo esalilunga ledale lephalamende wehlula.
Lokhu sokutshiye imibuzo eminengi eyokuthi kanti vele utshabangu ulosekelo lukabani.
Imizamo yokukhuluma laye ngololudaba yehlule.