Isigodlo sommeli wele Palestine eZimbabwe ngoMgqibelo sibambane lenhlanganiso ezitshiyeneyo phansi kwenhlanganiso ethiwa Friends of Palestine betshengisela eHarare phezu kwempi ye Israel lebutho le Hamas esibulele inkulungwane zabantu.
Ngemva kokwethulwa kwamazwi ngummeli wele Palestine eZimbabwe, uAmbassador, Tamer Almassri lesikhulumeli se ZANU PF uAmbassador Chris Mutsvangwa, abatshengiselayo laba bafole emgwaqweni belubhekise esigodlweni se-Unitged Nations, European Union lese Bhilitane lapho abatshiye khona incwadi ezilezikhalazo zabo bekhalaza ngokumiswa kwempi le.
Abatshengiselayo laba babalisa izizalwane zakwele Palestine ezihlala eZimbabwe, abezigdlo zamazwe ambalwa abalisa ele Iran, Sudan le Turkey kunye labebandla le Zanu PF. Kade betshengisela laba bebethwele amafulegi ePalestine kunye lamagwaliba atshengisela ukusola impi le.
Kodwa ummeli wele Palestine, uAmbassador Tamer Almassri kazange abambane labatshengiselayo laba ngoba engavunyelwa ngumtehtho phansi kwesivumelwano se Vienna Convention. Emazwini akhe, uMnu. Almassri usole ele Israel esethesa umlandu eleMelika ngokusekela ele Israel.
Kodwa ummeli wele Israel e-Zimbabwe, Botswana le Zambia uNkosikazi Ofrah Farhi utshele i-Studio 7 ukuthi ibutho le-Hamas yilo elaqala impi le ngenyanga ka Ncwabakazi ngalokho uthi abatshengiselayo laba kumele bakhuthaze ibutho le Hamas ukuthi litshiyane lomkhuba walo wobudlwangudlwangu.
Your browser doesn’t support HTML5
Udaba lokufola kwabatshengisele phezu kwempi yele Israel le Palestine.