Abebandla leCitizens Coalition for Change bathi akekho ozaxotshwa kumakhansila angamatshumi phose ayisikhombisa-69 ababikwa sebexotshiswe ezikhundleni ngozithi ungunobhala jikelele waleli bandla uMnu. Sengezo Tshabangu.
Lokhu kuvezwe ngosaphethe isikhundla sokuba ngumsekeli wesikhulumeli sebandla le CCC, uMnumzana Gift Ostallos Siziva emhlanganweni lentathelizindaba eMedia Centre, e Harare.
U-Siziba uthi akula kansila ozatshiya umsebenzi kulabo abalotshwe encwadini ka Tshabangu ozithi nguye unobhala weCCC.
“Okokuqala sifuna uzulu wonke abekwazi, simazisile through our press conference ukuthi akulamuntu weCCC okhitshiweyo njalo akulamuntu ozakhitshwa nguTshabangu ngoba uTshabangu simhambise eHigh Court of Zimbabwe where iParty yeCCC iyi-applicant uTshabangu enguye u-respondent, sibatshela eHigh Court ukuthi lo ozithi nguSecretary General kasoSecretary General weCCC ngoba kasila-position yonaleyo ekaSecretary General.”
Ukhuthaza uzulu uSiziba ukuthi angaze azinaka lezongcwadi ezibhoda enkundleni zokuxhumana ezebulenjini.
“Kungakakhulunywa i-decision yeHigh Court, iLocal Government Ministry leParliament, ayikwanisi ukuthatha amanyathelo encwadini ezivele kuTshabangu. Ye kuzaba nzima kube mnyama kodwa that is the struggle kulobunzima, kuyahlutshekwa kodwa abantu kufanele bebekwazi ukuthi thina njengobukhokheli obe CCC, iParty silayo siyibambile ngoba yi-party yabantu. I-Party izagcinwa ngabantu beCitizens Coalition for Change.”
Isikhulumeli sikaTshabangu, uMnu. Khalipani Phugeni uthi ukungahlonitshwa kwakhe ezindabeni bembiza ngokuthi uzibiza ukuba ungunobhala webandla yena evele enguye unobhala uqobo kwenza kubenzima kuye ukuthi akhulume ngaloludaba.
“Indaba leyi ihambile enkantolo, i-judgement iphumile iSabatha leli elidlulileyo bayiwina le case manje angazi ukuthi, ukuthi angahlonitshwa kangaka abizwe kuthiwa lo ozibiza, noma indaba isihambe eCourt, iCourt yafika yamgeza ukuthi hayi abakwazi ukuthi benze reverse into ayenzileyo eyenza nge-office lokuba ngunobhala jikelele. Ibuhlungu lendaba kuye ukuthi athi ngapha elezitha zakhe politically le-media kumele ukuthi ngabe i-neutral”
UPhugeni uthi okukhulunywa nguSiziva phezu kodaba lolu kuyinto ayikhuluma ngoba engazi umthetho.
“Akulanto ezomisa kodwa ngiyazwisisa nje ukuthi banengi abantu abangawaziyo umthetho lokuthi usebenza kanjani. Kodwa ma ngingamnikeza i-advice ngiyazi ukuthi banengi maybe amagqwetha ababacebisayo kodwa mina ngolwazi lona lolu oluncane engilalo ngokomthetho ngabe uyagijima aye ekantolo ethi ahh, ahh, kulento enje enje esiyenzakele loba ezoyenzakala, ngicela ke limise udaba lolu luqale ludlule.”
Enye ingcwethi kwezokuhlalisana kukazulu kanye lezomnotho umnumzana Masimba Manyanya ongumqondisi wenhlanganiso yeNational Residents Forum-Zimbabwe ufanisa uTshabangu njengemntwana okholisa ukudlalisa udaka.
“Ngumuntu oza ukuzodala umonakalo ngempela, ngesikhathi sicabanga ukuthi sesibheke esixazululweni esithize, ngabe uTshabangu ubezimisele ngezinhloso zakhe ngabe akahlaselanga amathemba abantu kuleli.”
Lumsakazo awusanelisanga ukuzwa imibono yebandla leZANU PF njengoba umqondisi obona ngokwethulwa kwemibiko, umnumzana Farai Marapira ubengakayi phenduli imibuzo ayithunyelweyo, locingo lwakhe lungasatshelwa.
Your browser doesn’t support HTML5
Udaba lokuxotshiswa umsebenzi kwamakhansila aweCCC siluphiwa nguMavis Gama