Abenhlanganiso ezilwela amalungelo entathelizindaba eye Voluntary Media Council of Zimbabwe, imanyene lezinye ezigoqela MISA Zimbabwe, iFriedrich Naumann Foundadtion le lnternational Media Support besethula ugwalo lwempumela yocwaningo lokuthatshwa kwendaba eZimbabwe. Lolu cwaningo luveze ukuba kusukela nyakenye kuuzew kube manje lumsebenzi ubhekane lobunzima bukuncindezelwa kokwethulwa kwemibiko.
Umqondisi weVMCZ uMnu Loughty Dube uthi ucwaningo lubavule amehlo kulokho okumele kulungisiswe.
"Sibelenhlelo ezihlukeneyo ngesikhathi siqhuba ucwaningo lolu njalo lomhkangano wethu lamhlanje uqhubeke kuhle waphinda waqinisa ubudlelwano bethu lohulumende kuhlanganisa lamabandla ezombusazwe lozulu jikelele."
VMCZ State of the Media Report
Umqondisi weZimbabwe National Editors Forum uNjabulo Ncube uthi ukhathazekile ngentathelizindaba eziqila uzulu.
"Kuyadanisa ukuzwa ukuba intathelizinda zamukela imali andubane zikhuphe imibiko lokhu kulihlazo njalo sizakutyathela inyathela"
Umongameli wenbandla eleLabour Economists and African Democrats uLinda Masarira obekhona kulumkhosi wokwethulwa kwempumela yalolucwaningo uthi abasuthiseki ngendlela abesifazane abaphathwa ngayo ngokukhutshwa kwemibiko ezweni.
VMCZ State of the Media Report
"Intathelizindaba azilobi kuhle ngabesifazana ezweni njalo lokhu akulethi intuthuko ezweni."
Umabhalane weZimbabwe Union of Journalists uMnu Perfect Hlongwane uthi impumela yocwaningo izenza bazinuke amakhwapha njengentathelizindaba.
"Sekumele sizinuke amakhwapha njengentathelizindaba kulandela impumela yophenyo ngoba kulihlazo ukuzwa ukuba sesiphumile endleni kanye lokungazihloniphi."
lsikhulumi samapholisa ezweni iZimbabwe Republic Police uAssistant Commissioner Paul Nyathi usola ukuhlukuluzwa kwentathelizinda ezweni.
"Indlela esisebenzelana ngayo leNtathelizindaba isinganeno njalo kumele kubelobudlelwano obuhle hatshi ukuhlukuluzwa esikubona kusenzakala ezweni ngoba intathelizindaba zililihlo lesizwe."
VMCZ State of the Media Report
Umkhosi wokwethulwa kwempumela yocwaningo lokuziphatha kwentathelizinda ungenwe zintathelizindaba, abaqeqetshi bentathelizindaba ingatsha zikahulumende ezilobudlelwano lentathelizindaba okugoqela amabandla ezombusazwe.
Ucwaningo lwalonyaka luveze ukuhlukuluzwa kwentathelizindaba kanye lokuphanjaniswa ngezombusazwe ezikhona ezweni okudala ukungaphumi kuhke kwemibiko.
Your browser doesn’t support HTML5
Udaba lwempumela lophenyo lwesimo sokusebenza kwentathelizindaba siluphiwa nguAnnahstacia Ndlovu