Uluhlu olwethulwe yinhlanganiso ebona ngokuqhutshwa kokhetho eyeZEC ibonisa ukuthi amalunga ebandla leCCC akucele likaMnu. Sengezo Tshabangu, ozithi ngunobhala jikelele walelibandla, awenelisanga ukungena kukhetho lwamaby-elections edolobheni lakoBulawayo ku ward one, nine lo eighteen ngoba incwadi ezibanika ilungelo lokuncintisa zibikwa zingenelanga.
Lokhu kutsho kuthi abaxotshwayo kulezi izikhundla abakubandla le Citizens Coalition for Change ababalisa oMnu. Shepherd Sithole, Donaldson Mabutho,lo Felix Takunda Madzana bazancintisana lamalunga amanye amabandla angayisiwo awe CCC njengakwezinye izigaba zelizwe lapho okulokhetho lolu khona.
UMnu. Albert Mhlanga, osebenza loMnu. Tshabangu, onguye obebhalisa amalunga ala uthi kungenzeka ukuthi abangabhalisanga bathengwe yilabo abaxotshwayo ukuthi behluleke ukwenzenjalo, kodwa uthi bona bayakuphika lokhu, njalo laye ngumbono wakhe nje. Uthi isizathu sokuthi atsho lokhu yikuthi babetshelwe kuseselesikhathi ukuthi balethe incwadi zabo. Uphinde wasola inkundla ye nomination court ngokwala ukuthi bebhalise lanxa amaphepha alabo abazancintisa esenele ngoba kuthiwa isikhathi sesitshayile.
Your browser doesn’t support HTML5
Ingxoxo loMnu. Albert Mhlanga
UMnu. Mhlanga uthi baphazamisa ngokuxotsha ummeli weMabvuku eHarare edale lephalamende kodwa bathi bezama ukulungisa loludaba ikhomishini yeZEC yathi akuselasikhathi ngoba ukhetho solumenyezelwe. Uthi bazambuyisela kuleso isikhundla.
Siphinde saxoxa loMnu. Mabutho ukuze sizwe umbono wakhe ngaloludabanda.
Your browser doesn’t support HTML5
Ingxoxo loMnu. Donaldson Mabutho