Ibandla leFreedom Alliance lithi lalo lizaphatheka kukhetho olukhangelelwe ukuqhutshwa ngenyanga ezayo kulandela ukuxotshwa kwamalunga edale lephalamende, awe senate, lawamakhansili nguMnu. Sengezo Tshabangu othi ungunobhala jikelele walelobandla.
Asizweni umholi walelibandla uDr Samkele Hadebe echasisa ngenyathelo labo kunye lenhlelo zalelibandla abafisa ukuzifeza lapho abazancintisa khona.
Your browser doesn’t support HTML5
Ingxoxo lo Dr. Samukele Hadebe
UMnu. Innocent Ndibali okhokhela ibandla leEconomic Freedom Fighters Zimbabwe, uthi labo bazancintisa kulolukhetho.
Your browser doesn’t support HTML5
Ingxoxo loMnu. Innocent Ndibali
Amanye amabandla azancintisa kulolukhetho akhulume leStudio 7 agoqela eleZAPU, United Zimbabwe Alliance, lelibusayo eleZANU PF. Amalunga ebandla leCitizens Coalition for Change awaxotshwayo athi azancintisa ngaphansi kwebandla leCCC. UMnu Mbuso Siso, owaphiwa ilungelo lokusayinela abazancintisa nguMnu. Sengezo Tshabangu utshele iStudio 7 ukuthi bazaphikisa inyathelo elithethwe ngabaxotshwayo laba kukhomishini ebona ngokuqhutshwa kokhetho eyeZimbabwe Electoral Commision.
Inkundla ye nomination court ikhangelelwe ukucubungula ngoLwesibili ukuthi yibaphi abazaphumelela ukuncintisa kulokukhetho kulandela ukubhalisa kwabo imininingwane yabo ngoMvulo.