Inhlanganiso yomanyano wamazwe omhlaba eyeUnited Nations indawonye lezinye inhlanganiso eziphathisayo sezikhuphe umbiko zikhuthaza ukuthi kumiswe impi eGaza ukuze kuphathiswe abalimeleyo.
Kodwa inhloko kahulumende weIsraeli umnu Benjamin Netanyahu yena uthi abasoze bamise impi kuze kukhululwe abathunjwa yiHamas.
Umphathintambo weMelika obona ngokudlelana lamanye amazwe umnu Antony Blinken uvakatshene iWest Bank ekhokhelwa yi- Israeli wasesiya e-Turkey ukuyangena imihlangano yokuzama ukumisa impi okwesikhatshana.
I-Israel ithi isitshaye indawo ze-Hamas ezedlula inkulungane ezimbili lengxenye kusukisela ekuqaleni kwalimpi. Inhlanganiso ye-World Health Organization ithi kuhlaselwe ezibhedlela ezilikhulu lambili e-Gaza Strip kusukisela mhlaka 7 Mfumfu.
Uhlangothi lwezempilakahle eGaza olukhokhelwa yi-Hamas luthi inani lasebefile selisedlula inkulungwane ezilitshumi i-10,000.
Abakhokheli bezokholo eZimbabwe bona sebekhuthaze ukuthi kumiswe limpi ukuze kuvikelwe impilo kazulu.
Umgcinisihlalo wenhlanganiso ethuthukisa lokulondoloza imfundiso lesiko lokholo lwesi-Islam eyeMakomborero Insikelelo Trust uSheikh Laja Yasini uthi amazwe alamandla kufanele akhuthaze i-Israel ukuthi imise limpi.
Your browser doesn’t support HTML5
Ingxoxo loShiekh Laja Yasini ngempi ye-Israel leHamas
Ekhuluma leStudio7 Umfundisi Useni Sibanda, ongumqondisi wenhlanganiso ye Zimbabwe Christian Alliance, inhlanganiso yamabandla okholo lwesi-Kristu ethuthukisa ukuthula ukhuthaze ukuthi kube lokuthula ukuze kuvikelwe impilo kazulu.
Your browser doesn’t support HTML5
Ingxoxo loMfundisi Useni Sibanda ngempi ye-Israel leHamas