Unobhala obona ngobudlelwano beMelika lamanye amazwe uMnu Antony Blinken uqhubeke ngohambo lwakhe eMiddle East ngoMgqibelo emizameni yokubhula umlilo olakho ukumemetheka emazweni akulumhlubulo ngenxa yempi ephakathi kweqembu lakwelePalestine, eleHamas, lelizwe lase-Israel.
UBlinken wethekelele kwele-Iraq ngemva kokuya kwelePalestine lapho ahlangane khona loMongameli wakulelolizwe uMnu Mahmoud Abbas.
Engakayi emazweni la, uBlinken wethekelele kwele-Israel lakwele-Jordan.
Impi le iqale ngenyanga edluleyo ngemva kokuba iHamas ihlasele eIsrael yabulala izizalwane zakulelolizwe njalo yathumba abantu abanengi.
I-Israel iphindisele ngolaka olukhulu futhi ilokhe iqhubeka ihlasela eGaza Strip.
Ohlaziya ezombusazwe njalo engowebandla leMDC-T uMnu Den Moyo utshele iStudio 7 ukuthi uhambo lukaBlinken eMiddle East lolu luqakatheke kakhulu.
Your browser doesn’t support HTML5
Ingxoxo loMnu Den Moyo