Umthethwandaba weHigh Court ngoMgqibelo ulahle udaba lwamalunga eCCC angamatshumi amabili lantathu, 23, olokuphikisa ukuxotshiswa kwawo kumadale ePhalamende womabili, eleNational Assembly leleSenate, nguMnu Sengezo Tshabangu, yena ozithi nguye unobhala jikelele walelibandla.
Umahluli wedale, uJustice Munamato Mutevedzi, unqume ukuthi amalunga la ehlulekile ukusuthisa inkantolo ukuthi uTshabangu akalawo amandla okuwaxotshisa ePhalamende.
Lokhu kutsho ukuthi ukhetho lwama-by-elections oluhlelwe nguMongameli Emmerson Mnangagwa olokudinga abammeli abatsha luzaqhubeka mhlaka 9 ngoMpalakazi.
Idale leNomination Court lona lizahlala ngoLwesibili lisamukela amagama alabo abafuna ukuncintisa.
Igqwetha likaTshabangu uMnu Nqobani Sithole utshele iStudio 7 ukuthi bayathokoza ngesinqumo lesi, njalo uthe bekuvele kusobala ukuthi bazanqoba ngoba amagqwetha abomamangala ehlulekile ukuhlela kuhle udaba lwawo phambi kwenkundla.
Your browser doesn’t support HTML5
Ingxoxo loMnu Nqobani Sithole
Kodwa umsekeli wesikhulumeli seCCC uMnu Gift Ostalos Siziva usole kakhulu isinqumo lesi esithi uTshabangu usetshenziswa yiZanu PF ukudiliza iCCC.
Your browser doesn’t support HTML5
Ingxoxo loMnu Gift Ostallos Siziva