Isigodlo seMelika eZimbabwe leseEuropean Union zithi zikhathazeke kakhulu ngokuhlukuluzwa kwamalunga ebandla eliphikisayo kulandela ukuthunjwa lokutshaywa kwelunga leCCC uMnu Takudzwa Ngadziore ngoLwesithathu.
UNgadziore uthunjwe ngabantu abanakanelwa ukuthi ngabacuphi, amaCIO, bamtshaya walimala kakubi.
Kumbiko esiwethule enkundleni yeX, yona eyayisaziwa ngokuthi yiTwitter, isigodlo someli weMelika sithe eleZimbabwe kumele lihloniphe amalungelo kazulu.
Isigodlo seEU laso sithe udaba lolu kumele luphenywe njalo kubotshwe labo abathumbe uNgadziore.
Ohlaziya ezombusazwe njalo ekhokhela inhlanganiso yeNational Consumer Rights Association (NACORA) uMnu Effie Dlela Ncube uthi iZimbabwe kumele ikhohlwe ngokuvuselela ubudlelwano bayo lamazwe afana leMelika leBhilithani nxa ilokhe iqhubeka isephula amalungelo kazulu.
Your browser doesn’t support HTML5
Ingxoxo loMnu Effie Dlela Ncube